បើកសម្ពោធ​ក្រុមហ៊ុន ដេ​ឆុន​ស៊ូ ដែល​នាំចូល​ផលិតផល​គ្រឿងសម្អាង និង​បរិក្ខា​ពេទ្យ​មកពី​ប្រទេស​កូរ៉េ​

facebookgoogle_pluslinkedinmail

​ភ្នំពេញ​ ៖ កាលពី​រាត្រី​ថ្ងៃ​សៅរ៍ ទី​០១ ខែ កញ្ញា ឆ្នាំ ២០១២ មាន​ពិធី​បើក សម្ពោធ​ក្រុមហ៊ុន ដេ​ឆុន​ស៊ូ យ៉ាង​អធិក​អ​ធ័​ម ដោយមាន​ភ្ញៀវ​ជាតិ និង​អន្តរជាតិ ចូលរួម​យ៉ាងច្រើន​កុះករ ហើយ​ក្នុង​ពិធី​នោះ ក៏មាន​ក្រុម​សិល្បករ KBOYS មកពី​ប្រទេស​កូរ៉េចូលរួម​សម្តែង​ផងដែរ អាច​ចាត់ទុកជា​ព្រឹត្តិការណ៍​ថ្មី​មួយ​ដែល​អ្នក ជំនួញ​មកពី​ប្រទេស​កូរ៉េ​ចាប់អារម្មណ៍​ចំពោះ​បរិយាកាស​អាជីវកម្ម និង​ការ​វិ​និ យោគ​ទុន​នៅក្នុង​ប្រទេស​កម្ពុជា ដែល មាន​លក្ខខណ្ឌ​ល្អប្រសើរ និង​អំណោយ ផល​ច្រើន​បែបយ៉ាង។​

​ក្រុមហ៊ុន ដេ​ឆុន​ស៊ូ ដែល​ត្រូវបាន​បើកសម្ពោធ​នេះ​មាន​ទីតាំងនៅ​អគារ​លេខ ៤៩៤ ផ្លូវ​លេខ ២៧១ ក្នុង​សង្កាត់​ទូល​ទំពូង ២ ខណ្ឌចំការមន ដោយមាន​ការអញ្ជើញ​តំណាង​មន្ទីរពេទ្យ​ម្ចាស់​ហាង​លក់ទំនិញ​ធំៗ រួមទាំង​ម្ចាស់​អាជីវកម្ម សេវាកម្ម​រាប់រយ​នាក់ ឲ្យ​មក​ចូលរួម​ធ្វើជា​សក្ខីភាព​ក្នុងការ​បើកសម្ពោធ​ក្រុមហ៊ុន​នេះ ផងដែរ​។ បើតាម​ការលើកឡើងរ​បស់​តំណាង​ក្រុមហ៊ុន ដេ​ឆុន​ស៊ូ បាន​ឲ្យ​ដឹង ថា ការបើក​ការិយាល័យ​នៅក្នុង​ប្រទេស​កម្ពុជា​នាពេល​នេះ​គេ​រំពឹងទុក​ថា ការ បែងចែក​ផលិតផល​មានគុណ​ភាពជា​ច្រើន​ប្រភេទ​ដែល​ត្រូវបាន​នាំចូល​ពី​ប្រទេស​កូរ៉េ កាន់តែ​ធ្វើ​ឲ្យ​ប្រជាពលរដ្ឋ​ខ្មែរ មាន​ជំនឿ​ទុកចិត្ត ចំពោះ​ផលិតផល​របស់​ប្រទេស​កូរ៉េ ជាពិសេស​គាំទ្រ​ចំពោះ​អាជីវកម្ម និង​ផលិតកម្ម​របស់​ក្រុមហ៊ុន ដេ​ឆុន​ស៊ូ កាន់តែ​ច្រើនឡើង​ថែមទៀត។​

​ជាមួយនឹង​ពិធី​សម្ពោធ​ក្រុមហ៊ុន ដេ​ឆុន​ស៊ូ ក្នុង​បរិយាកាស​សប្បាយរីករាយ​នេះ​ផងដែរ ភ្ញៀវកិត្តិយស​ទាំងអស់ ត្រូវ បាន​អញ្ជើញ​ឲ្យ​ចូលរួម​ទស្សនា​ចំពោះ​ការ តាំង​បង្ហាញ​ផលិត​ផលិតផល​គំរូ​មួយ ចំនួន​ដែល​ក្រុមហ៊ុន​នេះ​បាន​នាំចូល​ពី​ប្រទេស​កូរ៉េ​។ តំណាង​ក្រុមហ៊ុន​ក៏បាន​បញ្ជាក់​ផងដែរ ក្រុមហ៊ុន ដេ​ឆុន​ស៊ូ ដែល​បាន​បើក​ការិយាល័យ​ក្នុង​រាជធានី​ភ្នំពេញ​នាពេលនេះ​មាន​សកម្មភាព​អាជីវកម្ម​ជាច្រើន​ដូចជា ការចែក​ចាយ​ឧបករណ៍​បរិក្ខា​ពេទ្យ​គ្រប់​ប្រភេទ​, ម៉ាស៊ីន​ចម្រោះ​ទឹក​, ផលិតផល​គ្រឿងសម្អាង​, ផ្នែក​តន្ត្រី​កម្សាន្ត​ហើយ​ក្នុងនោះ​ក៏មាន​ការិយាល័យ តំណាង​សម្រាប់​ទំនាក់ទំនង​ពាណិជ្ជកម្ម​មកពី​ប្រទេស​កូរ៉េ និង​ស្វែងរក​ដៃគូ​ក្នុង ស្រុក​ផងដែរ។

អាច​ចាត់ទុកជា​ផ្នែក​មួយ​ប្រកបដោយ​សក្តានុពល​សម្រាប់​យុទ្ធ សាស្ត្រ​អូសទាញ​អ្នកវិនិយោគទុន​ឲ្យ​មករក​ស៊ី​នៅក្នុង​ប្រទេស​កម្ពុជា​ចំពោះ​វត្តមាន​របស់​ក្រុមហ៊ុន ដេ​ឆុន​ស៊ូ នៅក្នុង​ប្រទេស​កម្ពុជា នាពេលនេះ៕​

facebookgoogle_pluslinkedinmail
This entry was posted in ព័ត៌មាន & ព្រឹត្តិការណ៍. Bookmark the permalink.